كنت لسه عروسة جديدة حكايات رومانى مكرم

كنت لسه عروسة جديدة، ومكملتش شهرين جواز. كنت بحاول على قد ما أقدر أكسب رضا حماتي وأتجنب أي مشاكل، خصوصًا إن كريم كان متعلق بأمه جدًا.
في يوم الخميس بالليل، حماتي اتصلت بكريم وقالت
لازم تيجوا عندي بكرة على الغدا، بقالنا كتير ما شوفناكمش.
وافق كريم فورًا، وحددنا الموعد.
تاني يوم رحنا.
أول ما دخلنا الشقة، لقيت بنتيها، سعاد ومها، قاعدين في الصالة. سعاد ماسكة الموبايل، ومها بتتفرج على مسلسل، ولا واحدة فيهم قامت تساعد أمها أو حتى تدخل المطبخ.
بعد شوية، نادت علينا حماتي.
يلا يا جماعة، الأكل جاهز.
دخلنا السفرة.
لقيت قدامنا أطباق كشري كبيرة، وحلة عدس سخنة، وبصل محمر وشطة ودقة.
ريحة الأكل كانت مالية البيت كله.
قعدنا ناكل، وكريم كان مبسوط جدًا وهو بيقول
بقالنا زمان ما أكلنا كشري وعدس من إيدك يا أمي.
ضحكت حماتي وقالت
كُل يا حبيبي، ده معمول علشانكم.
فضلنا ناكل ونتكلم، والجو كان هادي.
لدرجة إني بدأت أحس إن اليوم هيعدي على خير.
لكن أول ما خلصنا أكل...
حماتي حطت الكوباية من إيدها على السفرة.
وبصتلي مباشرة.
وقالت بصوت عالي قدام الكل
يلا يا عروسة... قومي اغسلي المواعين كلها، ونضفي المطبخ، وبعدها اكنسي الشقة والسجاد. عاوزة أشوف شطارتك.
اتجمدت مكاني.
وبصيت عليها مش مستوعبة.
ثم بصيت ناحية بنتيها.
الاتنين قاعدين مكانهم.
ولا واحدة اتحركت.
بالعكس...
سعاد ابتسمت وقالت
أيوة يا ماما، لازم العروسة تبين شطارتها.
ومها ضحكت وهي شابكة إيديها
أصل الست الشاطرة بتبان من أولها.
لكن حماتي ردت بسرعة
ليه؟ أنا طلبت حاجة غلط؟ دي مراتك وست بيت.
الكاتب_رومانى_مكرم
وبعدين رجعت تبصلي وقالت
يلا يا بنتي، ورّينا شطارتك.
حسيت إن كل اللي على السفرة مستنيين يشوفوا هعمل إيه وإن العزومة كلها من أولها كانت علشان اللحظة دي ووو....!!!!
حكايات رومانى مكرم
سيبلى لايك وكومنت بالصلاه على النبي وهرد عليك بباقى القصه كامله للنهايه هنا 
بصيت حواليّا لقيت الكل مستني ردي، وكأنهم عاملين الاجتماع ده كله علشان يشوفوا هقبل ولا لأ.
ابتسمت بهدوء وقلتحاضر يا طنط، مفيش مشكلة.
اتسعت ابتسامة سعاد ومها، وكأنهم انتصروا في معركة.
قمت من على السفرة ولميت الأطباق ودخلت المطبخ.
لكن وأنا بغسل أول طبق، سمعتهم بيتكلموا في الصالة.
سعاد قالت بصوت واطيشوفتي؟ قولتلك هتسمع الكلام.
ومها ضحكتمن أولها كده علشان تعرف مقامها.
سكت شوية، وبعدها سمعت صوت كريم.
مقامها إيه؟
الصالة كلها سكتت.
كريم كمل بنبرة هادية لكنها حادةهي ضيفة عندكم زيي بالظبط.
حماتي قالت بسرعةإحنا بنهزر يا ابني.
ردلا يا أمي، ده مش هزار. لو المواعين محتاجة تتغسل، يبقى كلنا نساعد.
خرجت من المطبخ وقتها وقلتخلاص يا كريم، بسيطة.
لكن كريم مسك إيدي وقاللأ، مش بسيطة. أنا مش هسمح إن حد يحسسك إنك أقل من أي حد.
حماتي بان عليها الضيق وقالتيعني أنا غلطانة دلوقتي؟
قرب منها كريم وقعد جنبها وقاليا أمي، حضرتك مش غلطانة، بس أنا اتجوزت شريكة حياة، مش خدامة. ولو عايزين نساعد كلنا، أنا أول واحد يساعد.
ولأول مرة لقيت سعاد ومها محرجين ومش عارفين يردوا.
بعد دقائق، حصل شيء ما كنتش متوقعاه.
كريم دخل المطبخ وشمر كمامه وقاليلا يا مدام، أنا هغسل وإنتي نشفي.
ضحكت رغم توتري.
وفجأة دخلت مها وقالتهاتوا شوية، هساعدكم.
وبعدها سعاد دخلت هي كمان.
أما حماتي ففضلت واقفة عند الباب تبص علينا.
وبعد شوية قالتسيبوا كل حاجة وأنا هكمل.
كريم ابتسم وقاللأ يا أمي، النهارده شغل جماعي.
ولأول مرة المطبخ كله بقى مليان ضحك بدل التوتر.
عدى اليوم، لكن الموضوع فضل في بالي.
بعد أسبوعين، حماتي اتصلت بيا لوحدي.
كنت متوترة وأنا برد.
قالتتعالي عندي بكرة، عايزاكي في موضوع.
طول الليل وأنا بفكر.
روحت تاني يوم.
أول ما دخلت لقيتها قاعدة لوحدها.
قدمتلي عصير وقعدت جنبي.
وقالت فجأةأنا عايزة أعتذرلك.
اتصدمت.
كملت وهي باصة في الأرضأنا من ساعة ما كريم اتجوزك وأنا كنت خايفة ياخدك مني. كنت بحاول أثبت لنفسي إن الكلمة لسه كلمتي. لكن لما شفته بيدافع عنك بالطريقة دي فهمت إنك مش بتاخديه مني... إنتي بتكملي حياته.
دموعي نزلت من غير ما أحس.
مسكت إيدي وقالتسامحيني يا بنتي.
حضنتها وأنا بعيط وقلتحضرتك زي أمي.
ومن اليوم ده، كل حاجة اتغيرت.
بقيت أروح لها بإرادتي، وأساعدها من غير ما تطلب.
وهي بقت تعاملني كأنني بنتها فعلًا.
أما سعاد ومها، فبقينا أصحاب بعد ما فهموا إن المنافسة والغيرة مش هتفيد حد.
وبعد سنة كاملة، يوم ما عرفت إني حامل، كانت أول واحدة جريت عليا وحضنتني هي حماتي.
وهي بتبكي من الفرحة قالتأهو دلوقتي بقيتي بنتي رسمي.
ضحكنا كلنا.
وبعد شهور، يوم ما شالت حفيدها لأول مرة، بصتلي قدام العيلة كلها وقالت
أحسن حاجة حصلت لابني في حياته... إنه اتجوز البنت دي.
وفي اللحظة دي عرفت إن أصعب البدايات أحيانًا بتبقى أجمل النهايات... وإن الاحترام والحب الحقيقي يقدروا يغيروا أي قلب مهما كان قاسي.